La Bo La (已結業)

今晚去睇舞台劇，睇之前喺附近食野。約左朋友7點鐘，但佢遲大到搞到無哂mood，好彩餐廳好好人，可以俾我坐低等。天氣炎熱，先叫左個椰青解渴。Menu選擇唔多，全部都係英文。食越南野最愛食紙米卷，入面包住生菜，大蝦，牛油果。3樣野都係我最愛，新鮮生菜入口脆脆，點上甜酸醬更開胃。雞翼變左炸雞，無骨，點上BBQ醬食好惹味。牛舌飯最好味，平時日式燒肉嘅牛舌切到好薄，而呢度切到好似五餐肉咁厚，加埋D黑椒汁份外好味。餐廳環境幾好坐，但今晚趕時間，下次再黎飲番杯。