御前上茶 (已結業)

今次同朋友去開樂富，到晚飯時間，所以就係樂富廣場附近搵野食。咁岩見到尼間店，又似日式，又似台式。於是就入左去食。咁我就叫左個飯，佢有2種食法。咁佢係一個吞拿魚肉碎飯，佢配上左少少既茶漬。咁第一種食法就係，就咁攪均佢食。咁食落就好似平時食魚生丼咁，但係飯係熱辣辣既飯，所以食落既感覺有少少唔同。而第二種既食法就係加湯變泡飯食。咁食既時候可以加入鏗魚湯，攪拌黎食。因為佢既鏗湯鹹鹹地，所以加埋一齊食會濃味左，都幾特別。如果唔鍾意食泡飯既朋友，就可以食其他野，例如:花膠米線，朋友覺得幾清淡同味道都幾有趣。