Trois Cafe (已結業)

今日路過見到有一間幾靚嘅Cafe，就行入去睇吓有咩食下啦。入到去就見到有個吧枱，除咗可以買咖啡之外，仲有整好咗嘅小食零食同埋樽裝嘢飲可以買嘅。忌廉蘑菇黑松露扁意粉，係冇令我失望嘅，佢黑松露真係幾多下，加埋蘑菇真係完美配搭。平時食意粉最怕就係乾身，佢呢個嘅忌廉白汁都好多，而且奶香比較重。另一樣就係叫咗香烤雜菜 ，估唔到佢個份量都幾多，佢嘅下面係有蒜蓉多士，上面係烤雜菜，有冬菇，蕃茄，燈籠椒，火箭菜等等，健康又好味嘅菜式。