影片
更多
2017-04-28
153 浏览
近來石門站附近開了新商場，增添咗好多食肆，與其留係馬鞍山呢個美食沙漠，不如就試試新意思，食下fusion 菜😋 夜晚嘅石門特別寧靜，餐廳位置對住小馬路，仲可以揀室外位置，談心一流。見餐廳入面多啲位，就同友人坐入面。對fusion 菜冇咩概念，就由友人拍板決定～先來個魚生沙津，見到有牛油果已經加曬分，而且魚生份量一啲都唔少，好真材實料，魚生嘅款式多到我都唔係好熟，不過全部都好鮮甜，而且盤底有啲黑醋，酸酸地又幾夾。壽司盛合一上檯就哇一聲！擺盆又有心思而且一睇啲魚生係厚切又大塊，同埋每塊壽司入面都加咗wasabi，幾細心的。海膽同油甘魚強烈推薦，入口即溶又好鮮甜！食完凍嘢整返啲熱嘢暖暖粗薯條上面啲芝士同肉醬，令到薯條冇咁單調。炸蠔炸得幾脆，個明太子醬係重點，酸酸甜甜好合味道😋 黑毛豬都幾驚喜，之前冇食過，肉質比較實，外皮煎過脆脆地，整體都不錯。甜品做完美嘅收尾好重要，而呢個藍莓cake 亦冇令我地失望，蛋糕鬆軟得來，又不會太甜，伴碟嘅士多啤梨同火龍果也意外地不錯。今晚食咗咁多好嘢，價錢雖然算中上，但質素亦有返咁上下，間唔時對自己好啲都唔過份吖～
增添咗好多食肆，
與其留係馬鞍山呢個美食沙漠，
不如就試試新意思，食下fusion 菜😋
夜晚嘅石門特別寧靜，餐廳位置對住小馬路，
仲可以揀室外位置，談心一流。
見餐廳入面多啲位，就同友人坐入面。
對fusion 菜冇咩概念，就由友人拍板決定～
先來個魚生沙津，見到有牛油果已經加曬分，
而且魚生份量一啲都唔少，好真材實料，
魚生嘅款式多到我都唔係好熟，
不過全部都好鮮甜，而且盤底有啲黑醋，酸酸地又幾夾。
壽司盛合一上檯就哇一聲！
擺盆又有心思而且一睇啲魚生係厚切又大塊，
同埋每塊壽司入面都加咗wasabi，幾細心的。
海膽同油甘魚強烈推薦，入口即溶又好鮮甜！
食完凍嘢整返啲熱嘢暖暖
粗薯條上面啲芝士同肉醬，令到薯條冇咁單調。
炸蠔炸得幾脆，個明太子醬係重點，酸酸甜甜好合味道😋
黑毛豬都幾驚喜，之前冇食過，肉質比較實，外皮煎過脆脆地，整體都不錯。
甜品做完美嘅收尾好重要，
而呢個藍莓cake 亦冇令我地失望，
蛋糕鬆軟得來，又不會太甜，
伴碟嘅士多啤梨同火龍果也意外地不錯。
今晚食咗咁多好嘢，價錢雖然算中上，
但質素亦有返咁上下，間唔時對自己好啲都唔過份吖～
张贴
