影片
更多
2023-03-13
54 浏览
今晚去左間幾特別既潮州式西式餐廳，之前朋友介紹，專登嚟試試。入到去第一個感覺係好新式，幾有品味西餐廳，餐桌、梳化、燈光，俾人好舒服既感覺，坐低之後先黎一客焦糖爆谷，熱辣辣，味道香甜脆卜卜，即刻對晚飯好有期望。蘭王蛋蠔餅唔似一般傳統蠔餅，用刀叉切開左4件，上面放左d木魚，有d似日式大阪燒嘅感覺，入口餅邊位香脆，蛋味香濃，蠔仔份量都可以，隻隻脹卜卜，第一次咁食，新穎得嚟又不失傅統。蜆仔肉生菜包D蜆仔同肉碎大細一樣，加上香辣菜莆，食落夠鮮夠惹味。生菜新鮮爽脆加上餡料份量多，夾埋一齊食，又爽脆又美味，唔錯。滷水拼盤選咗3項拼盤，傳統鵝肉、鵝腸再加豬仔髀。D滷水汁甜甜地，散發住花椒八角香氣，唔死鹹，鵝肉同鵝腸份量好多，鵝肉肥瘦適中，鵝腸乾淨，冇乜肥膏同好爽。豬仔髀第一次咁食法，有2隻，d滷水入哂味，都冇用刀叉，直接用手攞住嚟食，中西合璧，冇肥肉夠健康。另外，放響鵝肉下面d豆腐非常之唔錯，又滑又嫩，其實有4樣滷水嘢食。值得一提嘅係滷水拼盤下面係點着咗個小蠟燭火黎溫住，保持滷水拼盤嘅溫度，食落都特別好味。韮菜鴨血鴨血整得Q彈，韮菜夠多夠嫩，自己都好鍾意，麻辣味適合只可食小辣嘅我，愛辣朋友可以沾上師傅
入到去第一個感覺係好新式，幾有品味西餐廳，餐桌、梳化、燈光，俾人好舒服既感覺，坐低之後先黎一客焦糖爆谷，熱辣辣，味道香甜脆卜卜，即刻對晚飯好有期望。
蘭王蛋蠔餅
唔似一般傳統蠔餅，用刀叉切開左4件，上面放左d木魚，有d似日式大阪燒嘅感覺，入口餅邊位香脆，蛋味香濃，蠔仔份量都可以，隻隻脹卜卜，第一次咁食，新穎得嚟又不失傅統。
蜆仔肉生菜包
D蜆仔同肉碎大細一樣，加上香辣菜莆，食落夠鮮夠惹味。生菜新鮮爽脆加上餡料份量多，夾埋一齊食，又爽脆又美味，唔錯。
滷水拼盤
選咗3項拼盤，傳統鵝肉、鵝腸再加豬仔髀。
D滷水汁甜甜地，散發住花椒八角香氣，唔死鹹，鵝肉同鵝腸份量好多，鵝肉肥瘦適中，鵝腸乾淨，冇乜肥膏同好爽。豬仔髀第一次咁食法，有2隻，d滷水入哂味，都冇用刀叉，直接用手攞住嚟食，中西合璧，冇肥肉夠健康。另外，放響鵝肉下面d豆腐非常之唔錯，又滑又嫩，其實有4樣滷水嘢食。
值得一提嘅係滷水拼盤下面係點着咗個小蠟燭火黎溫住，保持滷水拼盤嘅溫度，食落都特別好味。
韮菜鴨血
鴨血整得Q彈，韮菜夠多夠嫩，自己都好鍾意，麻辣味適合只可食小辣嘅我，愛辣朋友可以沾上師傅自己調製既辣椒油點黎食。
總括，食物唔錯有傳統中帶新意，整體環境亦好有氣氛。呢度都係一個可以飲酒傾計嘅好地方，我地7點黎到時唔太多人，到7:45已經full哂。
张贴
