Sixer Burger (已結業)

Fusion漢堡-龍蝦牛肉漢堡($198)漢堡入面材料好豐富，真係有一隻完整既龍蝦肉同厚厚既牛肉😍，不過都因為材料太多，冇辦法將所有材料一啖放入口，不過整體效果幾夾，龍蝦新鮮，不過有少少煮過左龍韌左啲😂。-蒲燒鰻魚漢堡加蛋($88+6)司令不嬲都鍾意食鰻魚，難得見到鰻魚漢堡，梗係要試下啦，另外加錢加多份太陽蛋，咁先夠曬淫嘛😂，鰻魚超大條，賣相好靚。食起上黎好易會整到成手醬汁，不過整體效果幾好，有驚喜喎！-肉醬意粉($68)肉醬意粉個意粉底本身已經有茄汁，再加上大量肉醬同芝士係面，相當港式重口味！