酒鍋 (V Point) (已結業)

手工台式涮涮鍋 (午市$68起) @ #酒鍋 銅鑼灣同尖沙咀既朋友Lunch又有好選擇啦啦!呢日K同K姐一齊食個Lunch，發現係銅鑼灣V Point既酒鍋有午市套餐，烚下烚下都咪話唔正！$68起包湯鍋、麵底、3款配料同特色飲品！ 酒鍋既Fusion湯底一向出名，今次見到有台式麻辣臭豆腐鴨血花膠鍋 ($88) 、 杏仁奶木瓜雜菌燉雞鍋 ($88) 👈K姐選擇，而K就揀左 #黑松露雜菌湯鍋 ($68) ，仲要加 重量芝士蓋😍！黑松露芝士鍋忌廉味道較重亦較稠身，加左芝士甜甜地。 杏仁奶燉雞鍋味道相對會較Light，會飲到雞既鮮味，杏仁味道係慢慢滲出黎😁！ 麵底有粉絲、泡飯、烏冬、魚麵 (+$12) 等，泡飯用黎索湯一流；亦都推介魚麵呀，十分彈牙魚味好重👍👍👍！好似食緊新鮮魚蛋咁，K覺得有D唔夠喉！ 配料有台式秘制麻辣花膠、鴨血、芝士竹輪卷、墨汁墨魚腸等，K叫左既花膠大大舊，份量又多，一入口真係覺得好補充骨膠原吖親~~而且食落仲有少少麻辣，幾惹味❤！都可以加錢叫肥牛吖炆牛筋腩果D。 講到飲品，佢地仲有D特色飲品eg.珍珠奶茶，見到佢地仲有芝士奶蓋抹茶，不過當日食就無啦，唔知遲下會唔會有返呢！