南駅 (已結業)

同朋友係東大街行左幾圈都諗唔到食咩，最後就決定試下呢間新派fusion餐廳。蒜香海鮮籠仔糯米飯喺餐廳出面嘅海報見到覺得幾特別幾吸引，所以入到去即刻叫嚟食。飯面頭鋪咗幾種海鮮，有帶子、 象拔蚌及蟹柳等，飯底則係入口軟糯的糯米飯。蒸出嚟香噴噴充滿蒜香，食落都幾惹味。雖然望落好似好大碗，但其實個籠仔只有一半深度，當日唔算太肚餓所以都夠食。煙三文魚香脆薄餅餅底非常薄身同脆口，食落似食餅乾多過薄餅。煙三文魚份量都算多，舖滿整個pizza，連埋其他配料紅洋蔥同芝士一齊食甜甜地都幾夾。