泰玖 (已結業)

依間隱身係荃灣既fusion泰菜，門面同裝修都幾特色，入到去係一排L型bar枱位置，fusion日式風格🤞🏻Set lunch只係$78，價錢相宜。泰北咖喱牛肉金麵咖哩汁香濃，濃稠度基本上已變成撈麵，麵條係爽口既生麵，牛肉都軟腍，主要係個咖喱汁👍🏻撈麵一流，食食下有d似咖喱牛腩撈🤣泰式香辣肉碎炒飯簡單又地道我最愛，肉碎炒得惹味，如果再辣d會更有風味，太陽蛋煎得好靚好流心👍🏻唔夠喉加兩個小食，跟餐加$18，通菜同炸蝦餅，通菜炒得幾香幾惹味，蝦餅又幾彈牙，好食👍🏻泰式奶茶味道幾似地道既香濃茶味，另外仲有水果茶，芒果冰茶清清地幾refresh👐🏻