◾️泰式炒金邊粉🐓
豬肉｜雞肉|鮮蝦
色澤吸引，一上碟就聞到好香。蝦都算大隻爽口🦐，配料豐富，炒得剛好，濕中帶乾，會再食嘅Pad Thai~
✨花生可以增加咬口✨
✨想刺激啲可以撈埋辣粉一齊食✨
◽️蜜糖炸番薯條🍟
上枱熱辣辣新鮮炸起嘅番薯條真係冇得輸！比起普通薯條多咗一陣番薯甜味，外脆內軟🥰。
✨有2款醬-茄汁/黑松露沙律醬✨
◾️美國帶子菠蘿千島醬薄餅🍕
薄脆餅底，所有材料味道都唔錯，但係放埋一齊就非常之唔夾，味道好分離🫠。整體而言，唔建議叫呢個味。
✨朋友覺得帶子偏生，但係👩🏻🌾又覺得OK👌🏻✨
◽️泰式小食拼盤🧆
泰式蝦餅｜豬頸肉｜香茅雞翼｜雞卷丸
全部都炸得好好，金黃色☺️。豬頸肉唔肥薄身，雞翼香脆，蝦餅略嫌少蝦肉，雞卷普通，偏細舊。食完唔油膩，唔會成口油😯。
✨點埋千島醬/泰式辣醬會更惹味✨
◾️泰式沙嗲串燒拼盤🍗
西冷牛肉串｜豬肉串｜雞肉串
每款各有2串，沙嗲醬偏流質，但係味道都夠，串燒就正常，反而米通幾好食😋。
◽️香橙特色紅茶（凍）🍹
普通飲品，嗌咗少甜，配金邊粉同串燒可以refresh下口腔~🌿
環境空間感好大，有分室外同室內，都係出名打卡嘅餐廳🌸，定期有唔同主題，約埋三五知己一齊都幾開心😆
