Vici Stage (已結業)

今日去咗荃灣搵嘢食，見到間酒吧有泰國菜食，幾唔錯就入咗去試，一入到去幾好氣氛，成個酒窖咁樣個酒櫃入面有好多酒。坐低梗係試吓佢啲Cocktail先啦，想飲啲酸酸地嘅，店員都好耐心咁樣介紹。Flowerbed係紫蘇同佛手柑，飲落去幾清新加上我特別鍾意紫蘇嘅味道，飲落去覺得好正。另外叫咗一杯Viva star 係四季洛神花，佢上面打咗層蛋白泡可以鎖住走嘅味道，同樣都係口感幾唔錯。頭盤叫咗海蝦青木瓜三色沙律，個沙律幾入味酸酸辣辣咁開胃一流，另外配左四隻大蝦，都幾大隻。食到咁上下，叫咗脆皮豬頸肉，個豬頸肉烤得幾唔錯，調味都啱啱好，又係送酒一流。主食叫咗鹹蛋卡邦尼意粉，個汁做得真心唔錯，同埋個意粉質地啱啱好。最後叫咗泰式香葉炒肉碎配脆米通，個米通偏甜配埋啲肉碎就啱啱好，食下食下唔覺意好快就食晒，佢啲嘢食整體來講都真心做得幾唔錯，Cocktail都幾好飲。