影片
更多
2014-03-30
26 浏览
早前收到店方邀請免費試食,我就約定尋日(29-3-2014 Sat)晏晝同男友o黎,我o地o黎到,須要先話俾佢o地知我o地o既目的,所以我又會o係味道,服務,衛生同抵食都扣啲0.5分.我o地坐低後都冇乜人招呼,係太忙吧,叫o左人之後,佢o地話俾我o地知,肉骨茶賣晒,同menu上o既檳城福建燒肉蝦麵同越南碎米飯都冇,由另外兩樣o野替代,一個好係越南檳海,另一個唔記得咩雞肉米線.我o地最後揀o左$49.00o既吉隆坡喇沙九料大寶同$46.00o既有汁巴東牛腩配黃薑飯,要熱馬拉拉茶同越南滴滴咖啡.等o左一陣,我o既吉隆坡喇沙九料大寶到o黎,份量好多,我諗,係因為試食,所以俾咁多,眼見材料有:響呤,豬皮,魚蛋,豆卜同雞絲,俾我o既感覺似香港o既車仔麵.我同男友開動喇.我食食吓,見到原來重有蜆,蕹菜同半隻烚蛋,再撩撩吓搵到米粉,我估計,佢將米粉同麵分兩邊擺.講返味道,湯底微辣,食到有梛香,而來貨o既車仔餸都唔太差,魚蛋食到有魚味,豬皮冇沙唔過腍,佢同豆卜都入o左味,豆卜亦煮夠腍,雞絲冇雪藏味,蜆,蕹菜同烚蛋亦正常.到男友o既有汁巴東牛腩配黃薑飯,男友加枱上o既森巴辣椒醬,我都先試試,牛腩大件好夠
我o地坐低後都冇乜人招呼,係太忙吧,叫o左人之後,佢o地話俾我o地知,肉骨茶賣晒,同menu上o既檳城福建燒肉蝦麵同越南碎米飯都冇,
由另外兩樣o野替代,一個好係越南檳海,另一個唔記得咩雞肉米線.我o地最後揀o左$49.00o既吉隆坡喇沙九料大寶同$46.00o既有汁巴東牛腩配黃薑飯,要熱馬拉拉茶同越南滴滴咖啡.等o左一陣,我o既吉隆坡喇沙九料大寶到o黎,
份量好多,我諗,係因為試食,所以俾咁多,眼見材料有:響呤,豬皮,魚蛋,豆卜同雞絲,俾我o既感覺似香港o既車仔麵.我同男友開動喇.我食食吓,見到原來重有蜆,
蕹菜同半隻烚蛋,
再撩撩吓搵到米粉,
我估計,佢將米粉同麵分兩邊擺.講返味道,湯底微辣,食到有梛香,而來貨o既車仔餸都唔太差,魚蛋食到有魚味,豬皮冇沙唔過腍,佢同豆卜都入o左味,豆卜亦煮夠腍,雞絲冇雪藏味,蜆,蕹菜同烚蛋亦正常.
到男友o既有汁巴東牛腩配黃薑飯,
男友加枱上o既森巴辣椒醬,我都先試試,牛腩大件好夠腍,但原來唔係件件都咁腍,係一啲啲部位,我諗呢點佢o地要注意吓;而汁o既味道比喇沙湯o既淡,亦唔係辣,抱歉,我形容唔到係咩味.而黃薑飯飯粒分明帶微甜,但硬o左啲.而森巴辣椒醬呢?一啲都唔辣但幾香口.
之後我o既熱馬拉拉茶到o黎,
呢個入口好滑,茶味略嫌淡o左啲.然後係男友o既越南滴滴咖啡,呢個有驚喜,係成個滴滴咖啡器皿端上o黎,
唔使去越南都有得咁飲 .
越南咖啡香,但比o係茶餐廳飲開o個啲冇咁厚身,概因落太多奶吧.男友覺得佢雖然單薄啲,但清香.最後我o地食得好飽,但可惜飲品份量太少,唔單止解唔到渴,連我因膠胃炎想食兩粒藥都唔得,唯有唔好意思地硬著頭皮要多杯凍馬拉拉茶.不過我o地都識做,因佢o既咖啡同食物都唔算太差,男友話有下次,不過要我o地特登過o黎o既機會都唔多,所以都即時send whatsapp介紹俾朋友們.
而杯凍馬拉拉茶同樣唔係咁大杯,
口感一樣係咁滑,茶味就更淡.服務:
正如上面所講,入到去都冇人理,落完單,o野食隨隨奉上,但當我o既熱馬拉拉茶送到時,卻俾隔離o個位客人,個客話唔係.我就即刻話係我o既.
而我o地一路食,食o左好耐,男友o既越南滴滴咖啡都未到,我就幫佢催至到.
環境:
估唔到咁簡陋,係圓膠凳.
價錢:兩個餐加埋$95.00,其實我原本諗住俾凍馬拉拉茶錢,不過佢o地都冇收.
總括而言,o野食味道唔差,不過飲品份量太少,而且服務仍有待改善,可能仍生手吧.
其他:
我o地食完後,聽到職員同隔離枱o既食家們詳細解釋佢o地o既食物加o左咩o野,我偷聽到個森巴辣椒醬係自家製,材料有蒜頭,乾蔥,香茅同馬拉盞.
而馬拉拉茶加o左斑蘭葉.味道係4.67分, 服務係2.5分, 衛生係3.5分 抵食係3.25分
提醒大家:
店方邀請電郵話佢o地o既營業時間係星期一至五上午11:30至下午5:00,公眾假期休息,29-3-2014呢日係特登開俾佢o地邀請o既人,同Openrice呢o度o既營業唔同,想o係星期一至五以外o既時間o黎食,最好都係打個電話先.
张贴
