阿閒泰 (K11購物藝術館)

营业中

休息中

行過k11多左唔少餐廳選擇，當中阿閒泰主打 fusion新派泰菜，食物都唔錯。泰式醉貓豚肉炒卷粉 $108將泰式河粉整成卷狀口感別有一番風味，入口Q彈煙韌。加入豬肉碎同豆角炒香有鑊氣又頗惹味，食落有種乾炒牛河既感覺。菠蘿雞肉炒糙米飯 $138本身以為糙米飯粒偏硬身會好奇怪，不過呢個炒得淋身入味，配新鮮菠蘿更添香甜。配菜重有兩串牛肉串燒，味道不過不失。香茅豬肉米紙卷 $25加配左個小食，米紙卷質地黏軟，香葉包住味親更清新，不過太細件，一兩啖就食晒了。加$38可配泰式自製奶茶奶同茶分開上，自己可以調較甜度。最驚喜係有泰式奶茶雪條，香甜軟滑，佢既味道慢慢滲入奶茶，愈添濃郁同冰感。