刈包可以選擇蒸/炸，蒸刈包 soft Q彈，帶點微温，因為我同友人都偏好蒸包，驚炸包會太油啦。
$58 香脆炸雞配青醬刈包
炸雞都有3-4件，炸粉唔厚，有肉汁，肉質鮮嫩唔霉，配以自家醃青瓜，中和濃、厚的羅勒醬。
+ $38 香蔥魯肉薯條
炸薯條上枱以短薯條為主，口感外脆內軟，配以台式魯肉，魯肉唔多，肥瘦適中，meun寫話on top 加自家製黑醋醬，係食唔出嘅。
$88 和風牛肉柚子漬蓮藕刈包
雖然價錢進取，但牛肉份量對得住個價錢，但咬落會連住唔易分離，表面有薄切蓮藕配以大量香蔥和數片炸蒜，口感豐富，醬汁係柚子芥末醬，濃、重芥末味蓋過柚子，柚子味來自表面一塊柚子漬，整體來講，唔會攻鼻，sauce質地偏liquid，夾埋牛肉汁，最尾流到成個紙袋都係。
所有食物都係即叫即整，熱辣辣送到你手上👍🏻 所以口感上係加分架 (ps食呢個包係完全冇儀態可言，非常狼狽🫣)
