Fûhn (The L. Square) (已結業)

同好姊妹难得出来CWB，shopping完梗系要揾好野食啦～想食清清地，食越南野就最岩啦！一入到餐厅，望到个餐厅有得拣唔同size嘅汤碗，觉得好新奇。佢由Regular、Large、XL到XXL，当我见到隔离枱碗面大过我同姊妹块面加埋，我地系惊讶左！为左要实际感受一下个大细，我地拣左个Large生牛肉牛坑腩片汤河。个份量系非常够2个人食😋仲配埋大量芽菜、辣椒🌶️仔、香草-薄荷叶、紫苏叶、鹅蒂、九层塔。成个阵营好劲～头啖汤入口已觉得几清甜，牛肉嫩滑，牛坑腩片非常有咬口，正！柚子鲜虾沙律🥗份量完全系超大之余，虾同柚子系足料！特别要推荐佢个沙律酱，类似千岛酱底，但加左辣，配埋沙律就可以提升虾&柚嘅鲜同甜！太耐冇食过牛油鸡翼啦～试下先👅几香口&脆卜卜，牛油唔会放得太多，不算油腻。搭埋D酸萝白、青瓜，中和番哂D热气～黎多个炸椒盐软壳蟹米纸卷～软壳蟹系即炸即包，入口脆得黎有点蟹香味。其实2个人食到咁多野，真系好劲呀！大满足😋虽然餐厅系市区，但美食加上宽阔舒适嘅环境，感觉好似闹市中嘅一道清泉。