Aqua

星期五有All about sushi 嘅lunch, 但我目標係想食刺身，原來其他食物都好有驚喜，基本上所有食物味道良好，而且個維港海景簡直無敵！由銅鑼灣望到中上環，連山頂凌宵閣都望到。刺身、壽司、前菜都可以無限任叫，刺身除咗蝦以外，其餘帶子、油甘魚及三文魚都好好食，壽司只叫咗一round左右就唔想浪費quota. 另外個burrata cheese salad, beef carpaccio 都好好食！估唔到！另外主菜鴨肉鴨汁ravioli 勁好食，個雲吞皮好煙un, 入面啲肉好軟熟，應該係慢煮出嚟。另外個鴨汁都好香。之後和牛丼飯的牛肉一放入口即溶，汁就淡淡地，唔會搶到和牛嘅油香。所有員工的服務態度都非常非常好！有足夠員工協助，食物都沒有漏單，而且嚟得好快。所以兩小時基本上都不停有食物。