Friday Cafe & Wine Bar

营业中

休息中

Friday Cafe & Wine Bar黑松露雜菌扁意粉黑松露雜菌扁意粉散發出濃郁嘅黑松露香氣，加上各種新鮮雜菌如蘑菇等，味道醇厚。意粉口感彈牙，松露嘅滋味香氣滲透每一條意粉，增添咗貴氣同高級感。紅酒燒汁燴紐西蘭羊膝紐西蘭進口嘅羊膝肉質肥嫩，經過長時間嘅慢煮後，肉質變得極為軟嫩。濃郁嘅紅酒燒汁帶出醇厚嘅口感，但卻不會過於油膩。配上薯蓉，沙律，蔬菜，為整道菜增添咗層次同生氣。朱古力心太軟 配薄荷雪糕朱古力心太軟係經典嘅甜品，外層焗得酥脆嘅朱古力蛋糕包裹著柔滑綿密嘅流心香濃朱古力。帶出唔同口感同層次。餐廳可以俾我哋揀多款嘅雪糕，例如雲呢拿味，伯爵茶味，朱古力味，但係我哋最後揀咗薄荷味雪糕，因為一直相信清新嘅薄荷雪糕同香濃嘅朱古力係最佳配搭，對比強烈，卻份外和諧。Lemon Tart餐廳每日嘅是日蛋糕有多款選擇，朱古力蛋糕，藍莓芝士蛋糕，蘋果批，但係我哋今晚揀咗檸檬撻。檸檬撻外表金黃晶瑩，檸檬餡料酸甜適中，口感滑順。酥脆嘅撻餅底完美地襯托出檸檬餡料嘅酸爽，令人回味無窮。