So Bar (已結業)

呢間Bar真係好有氣氛，我朋友同我介紹咗好耐，終於有機會可以係星期五試吓。佢嘅食物同埋服務水準同本來嘅蘇媽茶餐廳一樣有得揮。飲品方面我哋點做Awakening Earl grey同埋Durian Kiss，因為飲品有煙霧效果，真係非常適合打卡。Durian kiss好creamy，好似喺度食緊雪糕咁。而Earl grey個杯就相對比較適合鍾意飲酒嘅人，因為酒精味比較濃。不過除咗飲品之外，佢哋嘅食物都非常出色。非常推介佢哋嘅烤豬頸肉，豬頸肉本身依然鮮嫩多汁，而且調味充滿泰式風味，相當惹味。我哋食完之後有諗過再叫多一碟!另外有驚喜嘅就係佢哋嘅雞翼，每隻雞翼入面仲包住一粒車厘茄，所以雞翼非常清爽，唔會覺得膩。我哋重點咗炸蠔🦪份量非常多，而且仲好新鮮。所以如果Friday night想搵個地方同人chill下，呢個真係一個唔錯嘅地方。