茶救星球蔬果茶 (已結業)

呢排完全係檸檬茶，大熱嘅時候啊基本上你行過旺角你都會見到有好幾間檸檬茶店，今次我就試咗位於豉油街嘅茶救星球🌍因為聽聞啲人話佢嘅苦瓜檸檬茶係唔錯嘅，而且佢係苦瓜茶嘅首創者呢間舖頭超級容易搵，因為遠睇你見到佢一個好搶眼嘅招牌舖頭都係以藍色同綠色做主題嘅，而且佢哋應該係有一隻signature嘅豬仔幾可愛特別嘅佢入面有呢一句slogan 寫住人生苦短，所以呢就要及時行樂咁唔知道飲佢個杯招牌苦瓜檸檬茶我又會唔會好enjoy呢？自問對苦瓜呢就冇抗拒嘅，但係我估唔到佢嘅苦瓜檸檬茶入口係好清新，尤其是你喺炎夏嘅時候飲簡直係透心涼重點係佢唔會有一種苦澀嘅感覺而令一杯呢我哋就叫咗馬蹄甘蔗奶茶，係坊間比較少有嘅一樣飲品🥤入面有好多唔同嘅甘蔗同埋馬蹄粒仲有好似一啲愛玉嘅配料，所以佢係好豐富嘅，飲落去仲覺得有好重嘅椰香味整體嚟講都OK 㗎！而家每一杯嘅飲品，佢哋都會送一粒麻雀俾你飲多幾杯就可以集齊到一套嘅小麻雀，所以下次我會再試吓其他飲品努力收集小麻雀🤣