Sushi Men x Oyster Men (已結業)

係筲箕灣區捐窿捐那搵食，搵到一間位於筲箕灣東大街嘅一間壽司生蠔專門店，結合呢兩樣野來做重點為賣點。去得呢啲人細小店，梗係要試吓啲特色野，咁啱係週末餐廳就入咗時令海鮮。魴鮄魚 $180半條真係未聽過呢隻魚，個名都好特別，味道好清新，冇腥味，魚嘅質感都好滑，將一啲鹹鹹地酸酸地嘅醬汁整到好似啫喱咁，配搭一齊食特別容易入口。不過都要留意番通常都係週末先會有，同埋有啲乜嘢時令嘅魚都係睇情況架。海膽風味壽司九$168（有海膽、帶子、青瓜、三文魚籽、鵪春蛋）平時食壽司通常都係凍嘅，呢個壽司狗就好適合想食熱野嘅人，外面嗰一層紫菜包飯，啲紫菜係炸嘅，熱辣辣又好香！呢個表面仲有好多好新鮮好豐富嘅海膽帶子以及三文魚籽新鮮得來仲好清新，又熱又冷多重口感。北海道海膽$45當然唔少得食返個北海道海膽軍艦仔，好多件北海道海膽， 10分鮮甜呢！紐西蘭深海龍蝦仔$48d肉唔會話好爽口，反而係好鮮甜林林地有些質感，極度海鮮既清新味仲正過平時食既刺身好多！Speciales de Clarie$18Lambert$24食生蠔除咗呢度好抵之餘，仲要佢幫你開得好好。海水鮮味出晒嚟，仲有好香嘅金屬香添！