影片
更多
2018-10-23
150 浏览
凡高廚房細細個就聽過佢個名，萬聖節來臨就推出左個萬聖節套餐，今次就去提早幫大家探索下！裏面都有啲萬聖節氣氛，有南瓜頭嘅嘢，好得意。餐廳主要行浪漫路線，所以燈光比較暗而且舒適。萬聖節套餐餐牌總共有三款套餐，除咗套餐主食選擇之外，有餐包，雞尾酒，冷盤前菜，節食錢財，餐湯，甜品兩味加埋咖啡或茶，好豐富。餐包唔錯，熱辣辣好香。魔法莫吉托雞尾酒（有酒精/不含酒精）可以揀有酒精或者無酒精，方便飲酒或者唔飲酒要揸車。裏面嘅薄荷葉同埋青檸令到成杯飲品好清新，作為餐前飲品開胃絕對不錯。挪威煙三文魚意大利忌廉芝士伴手指南瓜火腿呢個前菜真係唔錯，裏面嘅配料十分豐富，挪威先三文魚配搭意大利忌廉芝士本身已經好有彈性而且味道香濃，上面一隻凍蝦口感爽口新鮮，還有個手指南瓜配火腿，有鹹香之餘亦都爽口質感。鵝肝醬伴黑魚子呢一款原來係我麵包配搭鵝肝魚子及牛油，個麵包烘得好香脆，而且「薄切切」，食完唔會太飽可以留肚食之後落嚟嘅美食。鵝肝醬同黑魚子香味十足，口感細滑，實在吸引，鍾意牛油仲可以加下牛油。分子法式海鮮大會湯呢個海鮮湯最特別就係海鮮同湯係分開嘅，忌廉湯旁邊有可以食用紙裡會包住帶子粒，吃下去好像是刺身級別。還有炸過的
凡高廚房細細個就聽過佢個名，萬聖節來臨就推出左個萬聖節套餐，今次就去提早幫大家探索下！
裏面都有啲萬聖節氣氛，有南瓜頭嘅嘢，好得意。餐廳主要行浪漫路線，所以燈光比較暗而且舒適。
萬聖節套餐餐牌總共有三款套餐，除咗套餐主食選擇之外，有餐包，雞尾酒，冷盤前菜，節食錢財，餐湯，甜品兩味加埋咖啡或茶，好豐富。
餐包唔錯，熱辣辣好香。
魔法莫吉托雞尾酒（有酒精/不含酒精）
可以揀有酒精或者無酒精，方便飲酒或者唔飲酒要揸車。裏面嘅薄荷葉同埋青檸令到成杯飲品好清新，作為餐前飲品開胃絕對不錯。
挪威煙三文魚意大利忌廉芝士伴手指南瓜火腿
呢個前菜真係唔錯，裏面嘅配料十分豐富，挪威先三文魚配搭意大利忌廉芝士本身已經好有彈性而且味道香濃，上面一隻凍蝦口感爽口新鮮，還有個手指南瓜配火腿，有鹹香之餘亦都爽口質感。
鵝肝醬伴黑魚子
呢一款原來係我麵包配搭鵝肝魚子及牛油，個麵包烘得好香脆，而且「薄切切」，食完唔會太飽可以留肚食之後落嚟嘅美食。
鵝肝醬同黑魚子香味十足，口感細滑，實在吸引，鍾意牛油仲可以加下牛油。
分子法式海鮮大會湯
呢個海鮮湯最特別就係海鮮同湯係分開嘅，忌廉湯旁邊有可以食用紙裡會包住帶子粒，吃下去好像是刺身級別。還有炸過的海蝦，以及青口。可以放進湯一同進食，我就選擇放進湯類很快便拿出來吃，咁就可以保持師傅處理海鮮的香味。
主菜總共有三款選擇，我們兩個人就一人選擇一份不同的。
炭燒香草羊架配法式太平洋藍鯨金槍魚（一成熟）$638
金槍魚嘅意思其實即係吞拿魚，平時食日本菜就食得多吞拿魚，西餐食吞拿魚真係少見！
刺身級別嘅吞拿魚一成熟加上上面有些沙律醬，味道配搭非常有鮮味，啲肉質仲係好滑。
羊架方面總共有三件，每一件都啖啖肉，因為屋企人關係食咗七成熟，不過肉質依然鮮嫩羊味夠香，總之真係好正！
蘋果木煙燻炭燒美國Prime頂級牛肉眼配南美深海鳳尾白玉蝦伴法國黑松露醬$688
牛肉眼都係揀咗七成熟，因為屋企人嘅關係，但係肉質都係好鬼鮮嫩，果然係高級嘅牛，就算唔配搭醬汁直接加上海鹽已經好好食！
隔離仲有啲蝦、黑松露醬、薯仔等配料，蘋果木味都幾清新！佢個煙肉仲要整咗蝙蝠圖案，好有萬聖節氣氛㗎。
巴西香草奶凍神話伴魔鬼岩漿竹炭蛋糕（即心太軟）
左邊是心太軟，右邊就係香草奶凍，心太軟裏面有好多朱古力醬，好香嘅朱古力味，同出面嗰啲好唔同，呢間係比較濃郁。原來呢個就係魔鬼岩漿竹炭蛋糕！
隔離奶凍好香滑，有支草莓醬可以用，自己喞，甜甜地有Halloween feel<3
Coffee or Tea~~
张贴
