卡莎338 (已結業)

食牛扒嘅西餐廳喺香港一向俾人嘅形象都係一個字：貴。如果一塊戰斧牛扒那起手冇＄300 $400都唔使旨意走到人，不過我同我朋友就喺深水埗發現咗一間平民式嘅西餐廳，雖然價錢非常之親民但係嘢食嘅質素絕對係唔會比知名嘅扒房比下去，一間餐廳就叫做卡莎338。大蝦鮑魚芝士意粉，隻蝦足足有半隻手掌咁長，肉質非常之彈牙，配合香濃嘅芝士意粉真係口感同味道上非同凡響既享受，鮑魚非常之彈牙同新鮮，因為新鮮嘅鮑魚先至會有嗰種帶海鹽味嘅甜味！意粉底味有淡淡嘅奶香，成個意粉係味道同口感上都可以比到我有唔同層次嘅享受！鍾意食牛扒嘅朋友我真心推薦比大家呢一間平民嘅餐廳，我相信只要你試過就會明白有心做嘅食物，一定係高級嘅地方先至可以享受到！