紅橋 (已結業)

落雨濕濕又行到去旺角同太子之間嘅食街，睇睇下就揀咗呢間西餐廳。裏面裝修都幾得意架，好似係兩個舖位打通左咁。座位都OK ,唔會太迫。睇咗陣餐牌，我哋都係想醫肚，所以就揀啲飽肚類別嘅食品。海鹽爐燒安格斯肉眼牛扒＄188一份安格斯肉眼牛扒好大份，淨係size都大過你個手掌，我哋揀咗七成熟，肉質可能就被七成熟再熟多少少，不過都OK !有啲海鹽調味，旁邊仲有啲蔬菜沙律同埋薯角，蔬菜沙律溫度處於常溫吃得出比較新鮮；薯角就真係好香脆，即叫即整。黑松露忌廉汁野菌海蝦帶子意粉＄60見到＄60有黑松露海蝦同帶子三樣高級食材，就一於試吓啦，又真係賣相唔錯，有好多黑松露係個表面，黑松露味道有少少淡香。忌廉汁豐富咁包圍着啲意粉，意粉硬度適中，口感過癮。仲有幾隻爽口海蝦、彈牙帶子，為整到菜生色不少。另外可以注意一下，呢度有清水提供，而且沒有加一服務費，旺角食到呢個價錢呢個質素已經值回票價。