影片
更多
2010-09-06
28 浏览
5-9-2010本來只想去 Cafe Peace (http://www.openrice.com/restaurant/commentdetail.htm?commentid=2025095) 飲杯嘢, 上到去佢又被包了場, The One 的 1882 又未開, 兜兜轉轉近近哋結果嚟了呢間「開 hea hea」的所謂意大利咖啡店. 2 人叫了一人一杯飲品, 加一份甜品 share 食.見 menu 上無熱 caffe latte, 叫了 latte macciato: 飲慣自己倒 espresso shot 的 latte macchiato (例如呢 d: http://www.openrice.com/restaurant/commentdetail.htm?commentid=1892551), 呢度卻「隊」了一杯望落似 cappuccino 多 d, 賣相又「生 rash」一樣的唔知乜鬼俾我... 唔落糖 (話時話, 呢杯 latte macchiato 佢俾了兩包糖我...) 就咁飲, 咖啡味好淡, 奶味卻竟然帶點「羶」 面層奶泡太多, 質地未算「洗潔精」, 但實在
本來只想去 Cafe Peace (http://www.openrice.com/restaurant/commentdetail.htm?commentid=2025095) 飲杯嘢, 上到去佢又被包了場, The One 的 1882 又未開, 兜兜轉轉近近哋結果嚟了呢間「開 hea hea」的所謂意大利咖啡店. 2 人叫了一人一杯飲品, 加一份甜品 share 食.
見 menu 上無熱 caffe latte, 叫了 latte macciato: 飲慣自己倒 espresso shot 的 latte macchiato (例如呢 d: http://www.openrice.com/restaurant/commentdetail.htm?commentid=1892551), 呢度卻「隊」了一杯望落似 cappuccino 多 d, 賣相又「生 rash」一樣的唔知乜鬼俾我... 唔落糖 (話時話, 呢杯 latte macchiato 佢俾了兩包糖我...) 就咁飲, 咖啡味好淡, 奶味卻竟然帶點「羶」 面層奶泡太多, 質地未算「洗潔精」, 但實在又鬆又 watery, 仲騎呢地沾上左一撻右一撻的朱古力粉, 唯有自行挑開. 認真唔掂的一杯 latte macchiato, 大家千祈唔好試.
朋友飲 iced chocolate, 賣相滑溜又好似幾濃, 但飲落竟然完全唔甜, 無朱古力味又無奶味, 感覺如茶記「凍朱走甜」, 點呀!?
甜品係好耐無食的 chocolate lava cake... 蛋糕焗得熱辣辣帶脆身, 拮落去就有唔少朱古力漿流出, 夠晒軟心的; 食落朱古力味尚算香濃, 不過甜度幾高, 朱古力漿又實在杰得滯, 食到黐住喉嚨 唔差的一客 chocolate lava cake, 不過心太軟其實又好難會難食, 呢度的試過就算了.
每人放低約 $55, 雖然未至於想講粗口, 但實在唔滿意, 唔會再來了.
张贴
