影片
更多
2020-01-04
3619 浏览
今日同男朋友去咗銅鑼灣Top Blade Streak Lab食扒。餐廳最出名就係佢哋嘅Flat Iron Steak 同埋黑松露薯條任食。一點完菜，好快就有薯條食。薯條好香脆，仲散發住陣陣松露嘅香味。餐枱放有大大支茄汁，任你唧、任你點。店員見你個碟無哂薯條，就會問你要唔要添，唔需要自己問，非常之細心。藜麥沙律賣相吸引，色彩繽紛。以新鮮蔬菜及蟹肉配蜜糖沙律汁，口感清爽。周打蜆湯味道唔錯，材料亦好多，忌廉濃度合適得嚟又夠滑，好有蜆嘅鮮味。Black Jack Flat Iron 配上咗黑咖啡蜜糖醬，少少甜之如，帶有薄薄嘅咖啡香，令塊Flat Iron嘅肉味更加突出。Flat Iron其實係牛三角肩對上的肉位，牛肩肉肉質柔軟，肉味亦濃，無論味道或口感都十分出色。千祈唔好錯過呀！西班牙栗飼豬鞍架，肉汁豐富有淡淡的橡果香味，再加埋果層五花腩般嘅肥豬肉焗到香脆，可口得嚟又唔覺油膩。雖然係好肥好邪惡，但實在太好味喇🤪依份豬鞍架，切成大啖大啖咁霸氣食又得，連埋層肥肉切成薄薄嘅腩片食亦得。Really dirty lemonade，係一杯進階版嘅dirty lemonade。Dirty lemonad
今日同男朋友去咗銅鑼灣Top Blade Streak Lab食扒。餐廳最出名就係佢哋嘅Flat Iron Steak 同埋黑松露薯條任食。
一點完菜，好快就有薯條食。薯條好香脆，仲散發住陣陣松露嘅香味。餐枱放有大大支茄汁，任你唧、任你點。店員見你個碟無哂薯條，就會問你要唔要添，唔需要自己問，非常之細心。
藜麥沙律賣相吸引，色彩繽紛。以新鮮蔬菜及蟹肉配蜜糖沙律汁，口感清爽。
周打蜆湯味道唔錯，材料亦好多，忌廉濃度合適得嚟又夠滑，好有蜆嘅鮮味。
Black Jack Flat Iron 配上咗黑咖啡蜜糖醬，少少甜之如，帶有薄薄嘅咖啡香，令塊Flat Iron嘅肉味更加突出。Flat Iron其實係牛三角肩對上的肉位，牛肩肉肉質柔軟，肉味亦濃，無論味道或口感都十分出色。千祈唔好錯過呀！
西班牙栗飼豬鞍架，肉汁豐富有淡淡的橡果香味，再加埋果層五花腩般嘅肥豬肉焗到香脆，可口得嚟又唔覺油膩。雖然係好肥好邪惡，但實在太好味喇🤪依份豬鞍架，切成大啖大啖咁霸氣食又得，連埋層肥肉切成薄薄嘅腩片食亦得。
Really dirty lemonade，係一杯進階版嘅dirty lemonade。Dirty lemonade將檸檬加以焦糖烤香，再混合有氣梳打。而Really dirty lemonade就再加入水楢桶威士忌。酸甜清爽得嚟又帶有威士忌嘅味道，層次豐富，餘蘊頗長。
冷壓蘋果伯爵茶：由蘋果汁同伯爵茶冷壓而成，醇和嘅蘋果香甜中滲出含蓄嘅伯爵茶韻。
张贴
