影片
更多
2022-11-15
405 浏览
今日結婚週年紀念，老公特登搵左間日式餐廳，回憶返當年我哋响日本嘅婚禮。呢間餐廳在上環，地方細細，都幾高級同有品味。老公揀左有8度菜的full course，每個course嘅食材都來自日本，每日空運運抵港，絕對係新鮮同高質之選。Still Water：餐廳會提供一支有氣或無氣水，我哋就揀左無氣。大湖sake：慶祝結婚週年紀念，點可以無酒，職員推介左呢支sake。初初入口比較普通，但越飲就越辣，比較辛口。佢最啱就係配上和牛一齊食，中和返佢個油膩感覺。自家漬大根：大根即係白蘿蔔，好爽，食到白蘿蔔甜味，味道酸酸地，幾開胃。海膽刺身多士：海膽係北海道馬糞，海膽形狀仲响度，廷身，帶鮮味。上面有D柚子皮同檸檬皮，感覺清新，中間層焦糖洋蔥，入口甜甜地，真係唔錯。大分縣鯖魚沙律：鯖魚用左蘋果木去自家煙薰，沙律係用左意大利蕃茄同埋新鮮水牛芝士，醬汁用左黑醋汁中和返意大利蕃茄個味道，整體食落都清新架。三文魚子約克郡布甸：個皮底用左英式做法，中層係明太子cream，上面係三文魚子，用左sake做醬汁，整體口感好豐富，酒味好濃，又幾好食喎。備長炭燒日本A5和牛：A5和牛係來自熊本，佢係用左牛pat pat上面
呢間餐廳在上環，地方細細，都幾高級同有品味。老公揀左有8度菜的full course，每個course嘅食材都來自日本，每日空運運抵港，絕對係新鮮同高質之選。
Still Water：餐廳會提供一支有氣或無氣水，我哋就揀左無氣。
大湖sake：慶祝結婚週年紀念，點可以無酒，職員推介左呢支sake。初初入口比較普通，但越飲就越辣，比較辛口。佢最啱就係配上和牛一齊食，中和返佢個油膩感覺。
自家漬大根：大根即係白蘿蔔，好爽，食到白蘿蔔甜味，味道酸酸地，幾開胃。
海膽刺身多士：海膽係北海道馬糞，海膽形狀仲响度，廷身，帶鮮味。上面有D柚子皮同檸檬皮，感覺清新，中間層焦糖洋蔥，入口甜甜地，真係唔錯。
大分縣鯖魚沙律：鯖魚用左蘋果木去自家煙薰，沙律係用左意大利蕃茄同埋新鮮水牛芝士，醬汁用左黑醋汁中和返意大利蕃茄個味道，整體食落都清新架。
三文魚子約克郡布甸：個皮底用左英式做法，中層係明太子cream，上面係三文魚子，用左sake做醬汁，整體口感好豐富，酒味好濃，又幾好食喎。
備長炭燒日本A5和牛：A5和牛係來自熊本，佢係用左牛pat pat上面果部分，色澤、脂肪同質感會比較balance，入口有爆油感但又唔會有油膩感覺，加埋wasabi一齊食都幾好食，旁邊配菜仲有秋葵同埋菇，同樣都係好好。
銀鱈魚釜飯：銀鱈魚厚肉，大塊，好滑。釜飯用左日本米，仲做到有飯焦，連裡面舞茸菇都煮到好香，呢個釜飯已加豉油，夠味得黎又唔會太鹹，剛剛好。另外值得一讚嘅係，店員留意到我唔食蔥，佢就叫廚師走晒佢，只留返老公果份有蔥，真係好細心。
手工意大利雪糕：雪糕係tiramisu味道，旁邊有脆脆、開心果同杏仁，gelato口感比較軟熟，另外用日本whiskey淋上面，好香酒味。
柚子梅酒：淡淡梅味，呢款和歌山梅酒唔會過甜或過酸，甜甜地，清清地，幾好。
张贴
