丼吉日式吉列豬排專門店 (形點 I)

营业中

休息中

通常一家大細出動嘅時候，就會揀商場入邊嘅餐廳，通常都比較Baby friendly，呢一度都唔例外，有bb highchair，不過就坐唔到卡位了，最後等左陣先有位。呢個係媽媽點嘅吉列黑豚肉蛋包飯，吉列炸漿好酥脆！賣相令人口水直流。只是咖喱的配料就少咗啲，得兩粒薯仔同蘿蔔。蛋皮ok，偏薄，就唔係好厚身好滑嘟嘟嗰隻，飯就幾好食嘅，珍珠米好黏糯。吉列蝦都算真材實料，炸漿唔會好厚，我就揀左吉列豬扒飯，最鍾意佢嘅係椰菜任添，呢度嘅椰菜絲切得好細好幼，幾甜，有兩隻醬汁可以自己加，正。豬扒厚身，炸得唔會好老，都幾有肉汁！