影片
更多
2017-06-11
427 浏览
想喺旺角搵到一間可以居高臨下、一邊把酒談歡、一邊享用佳餚嘅餐廳，除咗喺遊人如鯽嘅大商場可以尋找到之外，想不到喺彌敦道嘅鬧市都可以搵到一間一邊食Fine Dine，一邊品嚐特色cocktails，又夠浪漫嘅餐廳。呢間就係位於彌敦道726號嘅《Sky 726》。由於餐廳位於大廈最高層25樓，所以就可以高居臨下。落地嘅大玻璃可以遠眺鬧市夜景，睇住熙來攘往嘅車輛行走，別有一番味道。由於餐廳經常滿座，想坐窗口位嘅朋友就一定要預早訂枱喇~今次用膳雖然未能夠坐喺窗邊，但卻可以坐喺吧枱隔離嘅高枱，觀賞一下bartender熟練嘅調酒技巧以及英雌。一坐低就梗係叫番杯 signature cocktail先，呢杯【Kaffir Lime Collin】$98 有泰式風情，皆因用上咗泰國青檸，混合咗Gin酒，加埋甜甜酸酸嘅菠蘿汁，一啖喝下相當醒神，夠曬refreshing。炎炎夏日飲番杯，最能解渴。另外一杯signature cocktail【Smoking Fashion】$98，賣相非常吸睛，相當高貴。驟眼望落，仲以為高身嘅玻璃酒載樽住嘅係威士忌。細看之下，先發現入面原來注入咗煙燻霧氣，仙氣十足。慢慢將
呢間就係位於彌敦道726號嘅《Sky 726》。由於餐廳位於大廈最高層25樓，所以就可以高居臨下。落地嘅大玻璃可以遠眺鬧市夜景，睇住熙來攘往嘅車輛行走，別有一番味道。
由於餐廳經常滿座，想坐窗口位嘅朋友就一定要預早訂枱喇~
今次用膳雖然未能夠坐喺窗邊，但卻可以坐喺吧枱隔離嘅高枱，觀賞一下bartender熟練嘅調酒技巧以及英雌。
一坐低就梗係叫番杯 signature cocktail先，呢杯【Kaffir Lime Collin】$98 有泰式風情，皆因用上咗泰國青檸，混合咗Gin酒，加埋甜甜酸酸嘅菠蘿汁，一啖喝下相當醒神，夠曬refreshing。炎炎夏日飲番杯，最能解渴。
另外一杯signature cocktail【Smoking Fashion】$98，賣相非常吸睛，相當高貴。驟眼望落，仲以為高身嘅玻璃酒載樽住嘅係威士忌。細看之下，先發現入面原來注入咗煙燻霧氣，仙氣十足。慢慢將油注入載滿冰塊嘅酒杯，鼻子就率先聞到煙燻嘅木香。橙金色嘅雞尾酒並不如想像中易入口，因為用上咗幾款較為「烈」嘅酒，好似威士忌同埋苦酒 Angosture Bitters、Orange bitters， 呢兩種苦酒苦味獨特 ，帶有甘草同埋橙嘅香氣，要慢慢品嚐先至可以「嗒」真個中美妙配搭之處。
【 希臘沙律】$128，希臘沙律出名清新健康，用上咗健康嘅橄欖油黎代替平時嘅沙律醬，而且又有地中海出名嘅黑橄欖同埋feta cheese，豐富味道。沙律菜嘅種類又多，有青瓜、 火箭菜、生菜同埋蕃茄，係一個非常健康嘅沙律，最啱就係減緊肥嘅女士。
【焦糖低溫浸鵝肝】$158，呢個前菜簡直有酒店嘅級數。論擺碟同賣相已經攞滿分。鵝肝嘅表面塗上咗脆卜卜嘅焦糖。經過低溫烹調嘅鵝肝非常嫩滑，輕易達致外脆內軟嘅效果。而且鵝肝嘅底部墊有脆米，沾點嚟食令鵝肝嘅口感更加豐富。鵝肝亦伴有士多啤梨醬，令鵝肝嘅油膩感大大消失。
【燒蕃茄大茴香雞絲濃湯】$78，呢個熱湯嘅味道非常之特別、而且創新。將燒過嘅蕃茄打成蓉，令番茄嘅味道更加濃郁。茴香嘅味道非常獨特，甚有中東風味。而且嫩滑嘅雞絲同蕃茄濃湯非常匹配，整體嘅配搭相當之好。
【慢煮黑毛豬鞍扒配意大利黑醋汁及牛肝菌醬】$298，厚切嘅黑毛豬鞍扒用咗慢煮嘅方法烹調，一切開就見到粉嫩嘅顏色，非常吸引。經過慢煮嘅豬鞍扒非常嫩滑，帶有肉汁，而且豬肉味濃郁，肥瘦亦相當平均。意大利黑醋汁酸酸甜甜，中和咗油膩口感，多吃幾口亦唔會感覺到飽滯。
【卡邦尼長通粉】$178，呢個carbonara味道非常濃郁，每一口都可以品嘗到煙肉嘅香氣。另外亦加入咗大量嘅巴馬臣芝士，令長通粉嘅味道更加香濃。而長通粉嘅口感亦係al dente，咬起嚟較為煙韌。
整間餐廳嘅環境非常熱鬧，環境亦有氣氛，非常適合情侶拍拖，又或者大班朋友一齊慶祝。如此合理嘅價錢可以食到酒店級質素嘅食物，相當之抵。用匯豐白金信用卡係星期一至五食飯仲有八五折添~~
一路食飯一路見到bartender炮製好多款 signature嘅cocktail。款式好靚，相當吸引。有機會真係要 約朋友一齊試曬佢！
张贴
