HAND3AG (K11購物藝術館) (已結業)

想試呢間鐵板三文治一段時間，趁K11而家做緊每晚5點後，指定餐廳買外賣滿$100減$50，就試吓。三文治配搭新頴，例如有款係拉麵叉燒鐵板三文治，味噌拉麵配上日式叉燒同溏心蛋。但我都係試過平實d，就係歐陸鐵板三文治，以普羅旺斯燉肉丸配芝士通心粉、薯餅及流心蛋。另外，叫咗個大size3日3夜自家手切薯條配黑蒜醬，2樣野加埋只需要$60。因為始終外賣返屋企食，三文治同薯條都淋咗，如果即場食應該好好多。先講三文治，有脆口薯餅、香濃既芝士通心粉加濃邊蛋（到我口時已不流心😛）同肉丸，有多重口感既沖撃，大滿足！而薯條外脆，裡面充滿薯蓉，係我喜歡既肥薯條😋喜歡試爆餡三文治既你可以試吓！