NOC Coffee Co. (瑧璈)

营业中

休息中

西環找間cafe食西，此處最顯眼，有睇頭，高樓底，落地大玻璃窗，光線充足，木枱及櫈有些課室feel，等半小時才有位， 大部分客人多對住 desktop 上網或工作，嘆杯咖啡，有排坐。雪白蟹肉蛋白酸種包，亮身，蟹肉香飄蓋爽甜BB 波菜，甜甜黑醋醬，有些似賽螃蟹效果，下層外皮不靱軟酸種包，美妙多士，藜麥沙律菜作伴，如有車厘茄洋葱就無咁單調。墨西哥雞肉餡餅件沙律菜， 薄餅雞肉芝士，巧香， 熱辣辣 但係雞肉少囉，皮如厚些，就有粉香加口感。迷你乳酪最正，不迷你，一個飯碗， 粒粒脆脆燕麥蓋頂， 香蕉藍莓點花，滑滑乳酪入口，滑中有脆，有麥麥香，i like！Flat white，本想 齋啡， 但驚濃，就揀受歡迎，奶滑，但唔厚身，咖啡香，友人飲後腦即有反應，但無影響睡眠。因坐位對住玻璃咖啡房，睇住 咖啡師磨豆入袋 工序， 加多個節目。