原居民 (已結業)

已經唔係第一次幫襯原居民，覺得佢水準一直保持得好穩定，所以覺得值得推薦 黑松露椰菜花忌廉湯 黑松露香氣唔會搶走整碗湯嘅風頭，椰菜花滲出嘅淡淡蔬菜甜味，加上令人精神一振嘅黑松露香氣係十分好嘅配搭，同做到好好嘅平衡自製鵝肝醬多士 多士烘得乾身，卜卜脆鵝肝醬味道唔會太膩，而且份量十足，每塊都可以搽上厚厚嘅鵝肝醬做得好好燒法國粟飼春雞配蒜蓉汁 燒春雞十分之香，內裏可以保持肉質嫩滑 肉質一絲一絲冇變到死實 由於雞肉肉味點都相對較淡，所以我會點上蒜蓉汁味道，增添風味野莓蜜桃雪葩 晚餐會附送甜品，上次黎食係雪糕，今次係餐廳自家製雪葩雜莓酸甜味十分之特出，而密桃嘅桃香都保留到，比起出面嘅雪糕甚至更加好食，味道一D都唔人工