醉胡爐 (已搬遷) 新店位置

今日同朋友打邊爐，又再黎呢間火鍋店！平時食開花膠雞湯 今次試吓椰青雞鍋！呢個椰青雞鍋好足料 店員拎個煲黎嘅時候雞都仲係生嘅，跟住會喺你面前炒一炒雞 再加酒點火，增添香味！之後就會倒成個椰青既水落去 再加雞湯！一滾起 就先飲湯 呢個湯底真係好鮮甜💯牛肉係打邊爐必備，人多可以叫12道牛盛兜 好多款牛肉 又新鮮。另外手打五寶丸同餃子都係我火鍋必備，醉胡爐既餃子手工包製 漲卜卜，款款都好好食👍🏻打邊爐熱氣，叫左個冷盤 和風番茄🍅，酸酸地 冰冰涼涼，好爽。餐廳環境唔錯 價錢合理，早d book枱可以book房仔 同朋友食飯傾偈 真係唔錯👍🏻