安利魚蛋粉麵

营业中

休息中

男友對安利大排檔既切腩念念不忘，今日行完山就同佢黎食啦，去到東大街已經關左門，我地就去佢另一間店”安利魚蛋粉麵”，佢地7點半就last order，想食既朋友就要早d到。我地叫左切腩河同埋雲吞燘腩河，佢地既份量比起另一間店多。先講講雲吞燘腩河，深啡色既湯底就咁睇已經知道湯底係幾濃厚，牛腩燘得好淋好入味，河粉同樣薄同滑。而切腩既口感同燘腩既口感剛剛相反，切腩切到一啖一舊，爽口好食👍🏻個人比較鐘意食切腩。另外我地叫左混醬多士，有奶醬、花生醬、牛油同埋果jam，多士烘到外脆內軟，多士上面雖然冇果jam既顏色，但花生醬、奶醬當中有淡淡既果jam酸味，酸酸甜甜好開胃。