泰傳奇 (已結業)

今朝去EMAX同人傾D野, 平時好少機會黎依度, 發覺原來都幾多野食, 而且價錢仲好相宜, 走左入間泰國野食LUNCH。PADTHAI賣相似模似樣, PADTHAI要有既食材佢都有, 蝦, 花生, 粗芽菜, 豆乾等等, 撈埋青檸汁同埋辣椒黎食更香口開胃。泰傳奇海南雞飯跟餐仲有個小食, 係脆卜卜既泰式春卷, 香口唔油膩, 幾好味海南雞飯都幾大碟, 雞件尚算嫩滑, 啖啖肉加埋泰式風味既三色醬, 就絕對係合格之上。油飯粒粒分明夠乾身, 帶雞油香, 唔錯。咁熱既天氣食完PADTHAI同埋海南雞, 再飲埋杯青檸SODA同埋菠蘿冰, 真係幾有泰國FEEL, 越食越掛住泰國呀!!