影片
更多
2012-04-25
37 浏览
本來係Elements１樓嘅Starbucks係半年前搬咗上２樓，鋪面有成條走廊咁長，由Counter行到盡頭都隔咗好多張枱喎，但又唔會好迫，周圍也冇商鋪，Good。地方大咗坐位多咗又靚咗之外，食物都同其他普通分店唔同，呢間同IFC一樣有湯有通粉沙律。係未搬上現址前已經覺得呢間要轉啦，雖然之前果間店面都好大，但實在太多人，通常想搵個位都冇....同埋呢到係名店集中場呢，食物方面點可以同普通分店一樣架，而家變咗即時覺得升級好多呀。呢日我地１點３來到已經好多人喇，好彩都總有幾張枱可以揀吓，係我行來行去三心兩意之下，終於都搵咗個窗邊望落地鐵的位。到我坐低後又要出去揀食乜....可惜冇我係IFC果間食過的蕃茄乾香草烤包啦，思前想後我就揀左個蛋批試吓喇。係入座後睇食乜到等野食時影吓相到有野食上枱足足過了２０分鐘喇，真係餓死羊。呢餐叫咗嘅野食都好飽，真係要慢慢坐慢慢食，不過越來越多人，好彩唔嘈，起碼比以前１樓果間靜得多，可惜圓方對我真係遠咗Ｄ，如果唔係可以來多好多次，因的確幾舒服。呢日我地２個人揀咗以下野食：﹣① Quad Espresso x 2 ($24)② 蕃茄忌廉湯 Cream of To
地方大咗坐位多咗又靚咗之外，食物都同其他普通分店唔同，呢間同IFC一樣有湯有通粉沙律。
係未搬上現址前已經覺得呢間要轉啦，雖然之前果間店面都好大，但實在太多人，通常想搵個位都冇....同埋呢到係名店集中場呢，食物方面點可以同普通分店一樣架，而家變咗即時覺得升級好多呀。
呢日我地１點３來到已經好多人喇，好彩都總有幾張枱可以揀吓，係我行來行去三心兩意之下，終於都搵咗個窗邊望落地鐵的位。
到我坐低後又要出去揀食乜....可惜冇我係IFC果間食過的蕃茄乾香草烤包啦，思前想後我就揀左個蛋批試吓喇。
係入座後睇食乜到等野食時影吓相到有野食上枱足足過了２０分鐘喇，真係餓死羊。
呢餐叫咗嘅野食都好飽，真係要慢慢坐慢慢食，不過越來越多人，好彩唔嘈，起碼比以前１樓果間靜得多，可惜圓方對我真係遠咗Ｄ，如果唔係可以來多好多次，因的確幾舒服。
呢日我地２個人揀咗以下野食：﹣
① Quad Espresso x 2 ($24)
② 蕃茄忌廉湯 Cream of Tomato Soup ($34)
③ 吞拿魚檳榔蛋批 Yuna & Capers Quiche ($30)
④ 青蘋果嫩雞沙律 Granny Smith Apple and Chicken Salad ($42)
⑤ 燴意大利素菜千層闊麵 Slow Roasted Vegetable Lasagna ($68)
Total: $222
① Quad Espresso：唔使多講，係每次必飲之品，味道依舊，濃香正！
② 蕃茄忌廉湯：跟１個麵包球，外層少少脆，裡面煙韌，不過只有好少麵包味；蕃茄忌廉湯好濃，好茄，湯料有Ｄ蔬菜，好好飲。
③ 吞拿魚檳榔蛋批：其實唔覺有檳榔，定係我唔知檳榔係乜野味呢？反而咁大件批都可以整到蛋好滑，吞拿魚餡極豐富，好味好食，一個人食會有Ｄ滯啫。
④ 青蘋果嫩雞沙律：好可惜Ｄ沙律係撈咗沙律醬，如果唔係會更好，或者佢應該提供冇醬沙律等自己添加嘛；好多粒粒青蘋果，唔酸，嫩雞果然係嫩雞，好滑，同樣好食。
⑤ 燴意大利素菜千層闊麵：面層有２片蕃茄同幾粒橄欖鋪係白汁上面，白汁味淡，闊麵分量反而唔夠餡料多喎，而且素菜仲好茄添，又係好食。
张贴
