Oliver's Super Sandwiches (已結業)

话说之前屯市𠮶间装修（今日已经开番），我就冇得喺呢间饭堂食，今晚难得可以喺元朗附近食饭，就去咗形点呢间超级三文治食。焗薯冇咗一排，依家有番，梗系要食一食佢。佢个焗薯钟意嘅话可以连皮食，块皮唔会话口感好怪，反而焗薯皮加埋啲焗薯再加上面嘅料系绝配，我个人最钟意系烟三文鱼沙律，但好可惜好多年前唔知几时开始就冇咗双球，依家一定要配一个蛋沙律球，如果我一定只会拣烟三文鱼沙律，因为我食过晒咁多款，同焗薯只味最夹嘅就系佢。识叫梗系叫套餐，会有个迷你凯撒沙律同一杯饮品。沙律有啲沙律菜、凯撒沙律汁、烟肉碎同埋芝士；饮品我通常都系饮白汤，今晚白汤系最好饮嘅忌廉磨菇汤，有好多磨菇，口感够浓，系嫌唔系几够热。10月会员优惠送一份芝士肉酱薯条，好味！稍嫌美中不足嘅系叫完焗薯又送多份薯条，一个人就会觉得太薯仔啦。