二世祖

营业中

休息中

話說三，四年前已經好想試 Easy Joe，當時佢係人氣 cafe，試過兩次經過都 full house，基本上一定要訂位。時移世易，昨日咁啱喺大角咀做嘢，忽然心血來潮，就就過去食個 lunch。Set lunch 有六個選擇，我揀咗冬蔭功海鮮燴飯。原先我以為係純泰式冬陰功又酸又辣嘅味道，都驚自己唔知頂唔頂得住，原來佢係泰式同西式嘅 fusion，既有冬陰功味，飯底係平時燴飯嘅忌廉底，兩種味道溝埋一齊，又意想唔到咁融和，好食👍。至於海鮮，雖然切到細細粒，唔夠澎湃嘅感覺，不過有齊蝦，帶子，蜆肉，魚肉等等，都算豐富。唯一就係飯底偏腍，唔係我鍾意嘅口感。埋單嗰陣點零鐘，都仲係得兩三枱客，希望佢哋撐得住💪。