吉豚屋吉列豬扒專門店 (已結業)

星期三去九龍灣學嘢，五點幾去食個early dinner, 仲有下午茶！ 下午茶好平喎，由廿五蚊起，又可加飲品或湯。 要咗個滑蛋吉列豬扒飯（$29)，加$9 細湯。 個食係正常餐嘅2/3 ，豬扒有四條，以這個價錢黎計，好抵了！ 吉列豬炸得好香脆，炸漿又適中，好！ 滑蛋加洋蔥加埋個汁好香，啲汁第一口較咸，但完全撈勻後剛好！ 豚肉片湯，有豬肉片、洋蔥、紅蘿蔔同薯仔，清清地，好飲。環境都幾舒服，下午茶時段不多人。