💰抵食程度：🍦🍦(2/5)如果唔係佢有第二個item半價就真係唔抵食。
1️⃣原味軟雪糕🍦($38)
硬身少少嘅富乜雪糕車雪糕咁嘅味，面頭嘅玫瑰花碎並冇特別帶到香味出嚟，個筒係便利店阿波羅有膠蓋嗰個新地筒嘅淋度脆少少，咬到最底尖尖嗰舊直頭𡁻緊厚紙皮咁。
2️⃣特濃曲奇奶昔🍪🧊🥛($29，第二件半價之後$15)
特濃！曲奇！奶昔！一樣都冇！好啦其實曲奇係有嘅，見佢落嗰陣好似幾重手，不過飲嗰陣就又好似冇乜咁。跟著就係佢落冰去打，奶昔真係好忌有冰。如果抱著沙冰嘅期望叫嚟飲就平衡番啲嘅，不過如果要抱沙冰嘅期望，我都應該唔會嗌呢款。
有可能我嗌唔中最signature嘅朱古力雪糕啦（賣哂！），如果下次有機會又未賣哂就再試吓啦！
