影片
更多
2020-10-08
188 浏览
👍🏾推薦程度：行開行埋想食個快嘅都可以嘅💰抵食程度：🍲🍜🍗🥬(4/5)大碗食得飽、有嘢飲、有小食，呢個價錢個人覺得可以，但如果平多啲啲就超正。雖然話圖片祇供參考，不過啲嘢食上到嚟同menu比嘅還原度都好高吓。1️⃣招牌溫泉蛋雞扒鮮茄湯通粉🍅🍲見佢係招牌所以都冇太考慮其他嘢就揀咗佢，個湯係偏酸嘅，鍾意甜蕃茄湯嘅手足食到就應該會皺眉頭嘅，不過個人幾偏好酸啲嘅蕃茄，所以覺得正，加上佢個湯飲落係冇乜負擔，又唔會油膩。通粉就反而冇乜味唔夠彈牙，咬落就好似玻璃心咁，會碎。雞扒嘅seasoning唔錯，個鹹味平衡番個湯嘅酸，令到個味道多元化咗，但因為係浸喺湯入面嘅關係，個雞皮逃唔出浸淋嘅命運。最後到隻蛋，作為溫泉蛋，佢係完全合格有餘。不過亦都係因為佢係溫泉蛋，反而令到成碗通粉失色，因為個蛋黃同啲湯並唔夾。如果係溏心滷蛋相信會夾啲，而且唔會一督就冇咗個黃。2️⃣酸菜魚片湯河（轉咗湯麵）🥬🐟🍜一食落口嗰吓令我諗起譚生嘅煳辣湯，配油麵都順口，個人覺得辣度唔高，係胡椒湯嗰種辛。不過根據桃子小姐口述，食食吓都幾辣。3️⃣炸單骨雞翼（孜然風味）🍗一食落口第一個感覺係肯乜雞脆香雞翼嘅皮，加埋麥乜奴嘅香辣雞翼嘅肉，就會變呢個單
💰抵食程度：🍲🍜🍗🥬(4/5)大碗食得飽、有嘢飲、有小食，呢個價錢個人覺得可以，但如果平多啲啲就超正。
雖然話圖片祇供參考，不過啲嘢食上到嚟同menu比嘅還原度都好高吓。
1️⃣招牌溫泉蛋雞扒鮮茄湯通粉🍅🍲
見佢係招牌所以都冇太考慮其他嘢就揀咗佢，個湯係偏酸嘅，鍾意甜蕃茄湯嘅手足食到就應該會皺眉頭嘅，不過個人幾偏好酸啲嘅蕃茄，所以覺得正，加上佢個湯飲落係冇乜負擔，又唔會油膩。
通粉就反而冇乜味唔夠彈牙，咬落就好似玻璃心咁，會碎。
雞扒嘅seasoning唔錯，個鹹味平衡番個湯嘅酸，令到個味道多元化咗，但因為係浸喺湯入面嘅關係，個雞皮逃唔出浸淋嘅命運。
最後到隻蛋，作為溫泉蛋，佢係完全合格有餘。不過亦都係因為佢係溫泉蛋，反而令到成碗通粉失色，因為個蛋黃同啲湯並唔夾。如果係溏心滷蛋相信會夾啲，而且唔會一督就冇咗個黃。
招牌溫泉蛋雞扒鮮茄湯通粉🍅🍲
$56
15 浏览
0 赞好
0 留言
2️⃣酸菜魚片湯河（轉咗湯麵）🥬🐟🍜
一食落口嗰吓令我諗起譚生嘅煳辣湯，配油麵都順口，個人覺得辣度唔高，係胡椒湯嗰種辛。不過根據桃子小姐口述，食食吓都幾辣。
酸菜魚片湯河（轉咗湯麵）🥬🐟🍜
$57
11 浏览
0 赞好
0 留言
3️⃣炸單骨雞翼（孜然風味）🍗
一食落口第一個感覺係肯乜雞脆香雞翼嘅皮，加埋麥乜奴嘅香辣雞翼嘅肉，就會變呢個單骨雞翼。喺呢個兩間都唔會再幫襯嘅情況之下，呢到就可以一隻單骨雞翼滿足哂你兩個口味。
皮脆肉嫩，少少辣，可以encore！
不過，食食吓發現一樣嘢，佢無論味覺上定嗅覺上都冇咗孜然，都可能係自己落單冇confirm到啦，但係冇影響嘅，誤打誤撞下食到呢個味又唔錯。
炸單骨雞翼（孜然風味）🍗
$27
10 浏览
0 赞好
0 留言
4️⃣金華火腿奶油津白🥛🥬
點解話實物圖片還原度高呢，就係因為呢個津白而發覺，寫緊呢篇食評嘅時候，睇番佢menu張相就發覺原來佢張相啲菜都係浸嘅。
盅奶油津白上到嚟見到係奶油湯津白。味道尚可嘅，係菜可以再淋多少少，汁可以竭多多咁就正喇。
金華火腿奶油津白🥛🥬
$27
11 浏览
0 赞好
0 留言
5️⃣鮮果消脂蘋果果醋🧃
利申自己本身極少飲果醋，好難分好飲與否，就飲品而言，佢畀我嘅感覺係飲一啖甜嘅果汁再飲一啖白醋咁，但聽桃子小姐講咁樣係正常？
6️⃣香滑凍奶茶🧊🥛🍵
出色！好飲！凍嘅都唔會淡，茶味夠出，順滑唔澀，正！順帶一提，default走塑走飲管，good！
佢另外有限量賣甸佬DinLo嘅Caramel Pudding🍮，因為太飽，所以下回分解！
张贴
