銀龍粉麵茶餐廳 (已結業)

沒有推薦食品一講起銀龍茶餐廳，白汁飯嘅傳說就全自動咁喺我個腦到回帶。搞到冇事都唔太想食銀龍。但好死唔死，前排有個牌子就出左個活動，參加者影張相，最後可以買隻印自己想要嘅名嘅杯。喺公司附近，最近就有呢間銀龍參加左個event。由於想要隻杯，所以食左次。老實講d嘢食就麻麻地，但勝在服務態度佳，所以個整體印象都無咁差。嘢食我地比足晒機會叫左唔少：一個飯、一客意粉、一碟炒米、一份黑松露炒蛋多士，重有隻炸雞脾，但真係無樣嘢係令我想同人推薦。（可能你會話，「茶餐廳係咁架啦！」，你要咁睇，都有你嘅道理嘅。）跟據食物次序：黑松蛋多士，聞（嗅）起嚟好夠味，但食落係淡口嘅，差唔多冇味咁，係要自己落啲鹽先有味。個飯同意粉係好普通嘅飯同意粉，個汁差唔多一樣，係個飯有隻蛋咁解。飯入面啲肉唔會太橡筋呢到加少少分。炒米，好炒米嘅色，不過得顏色，冇乜味。（留意唔係唔夠味，係食落去冇味。）最後薯條，淋嘅，油溢味，雞脾就脆皮，但好乾，唔juicy。嘢飲，奶茶普通，叫做有奶有茶咁，朱古力就唔夠味，都係要落糖先得。上面都提及過佢地啲服務態度好，啲哥仔姐姐都好願傾偈，又唔會唔耐煩，見有嘢要清都好快手執走啲碟。但啲嘢食就相對上得