Red Mango (已結業)

本人系 Red Mango 既忠实 fan 屎，相信亦系少数既 fan 屎，唔信？你得闲经过望下佢有几多客就知道，可惜呢个圣诞夜佢令我伤透了心。话说早前本人见到 Red Mango 圣诞自助餐既广告，又话有芝士火锅，又劲多圣诞特色美食，好吸引呀，咁作为 fan 屎既我梗系 ja ja 林订位啦。价钱虽然系平时既 double, 但有咁多圣诞菜色都系抵比既。去到食喇，咦？芝士火锅呢，冇㖞。又话有好多款汤既？点解又系平时既中西汤。对于我呢个成日黎食既 fan 屎黎讲，根本所有野同闲日系冇分别! 我重复一次，系冇分别 arrrrrrrrrrrr 唯有睇到最有圣诞 feel 既系火鸡卷，但唔讲都唔觉㖞，食埋都唔觉，我谂你叫佢龙肉卷我都吹你唔胀既。另外佢将 o的印哂圣诞公仔既纸插落o的奶冻度，哗，真系好有圣诞气氛呀，原来我比多一倍既钱使左向呢 o的 detail 位度，谂到果个简直系天才啦。一路食一路望下附近既客，讲都唔信，圣诞正日流流，o的客既数量系仲少过o的伙记。阴公猪。啱㗎喇，素食达人同 DJ 先生，keep 住呢 d 做生意既走精面态度，好快 Red Mango 就会前途似咁，祝你地好运