麻辣風雲 (已結業)

好耐都冇食川菜餐廳，今日決定嚟咗人氣好高嘅麻辣風雲到食午餐，我同我男朋友一如既往都一定要叫一個酸菜魚！今日突然之間好想食啲好酸嘅嘢所以我哋就雙重享受叫咗兩份酸菜嘅食物。首先為大家介紹嘅就係酸菜魚，我哋叫咗大辣！呢個酸菜魚真係冇得輸。因為魚片嘅數量同埋肉質都真係對得住個價錢。花椒味非常濃郁。酸菜味同埋個辣的味比例調得好好。唔會出現唔平衡嘅情況最緊要係真係好好食。然後另一樣酸菜嘅餸菜就係酸菜炒肥腸，呢隻豬大腸處理得幾好，唔會有污糟同埋臭！酸菜仲要係大量。肥腸亦都好吸味verygood！