麥當勞 (黃埔天地)

营业中

休息中

Double芝士安格斯漢堡唔知點解有一日，心血來潮叫咗呢個包嚟食。 可能特別肚餓， 又見佢唔係好貴又有兩塊漢堡扒咁。當我咬呢個包嘅時候 覺得真係好厚呀 我上顎嘅牙齒要貫穿兩塊漢堡扒 比平時一塊的時間多咗一倍。 但係當我細心咀嚼嘅時候 就發現大鑊了。嗰兩塊扒乾爭爭 而且 茄汁又唔係好多， 基本上係靠你自己好多個人口水分泌去將成件事 保濕番。 肉質嘅juicy又冇，已經煎過龍。 如果係平時就咁得一塊漢堡扒 可能仲可以接受 但係當你其他配菜嘅份量係一樣 再加多一塊 乾爭爭扒， 基本上就係 張 嗰個 濕潤度 大大下降。食到後期 你個口越嚟越乾就似沙漠， 你如何繼續食埋落去？ 就靠你杯汽水。 我一路食 一路啜兩啖芬達， 個口又成口都係安格斯牛肉又芬達， 都唔知點解自己搞成咁。最後結論係物極必反，你唔好以為加多塊扒好過癮， 最後係要靠杯汽水呢吊命。