鮮選壽司 (已結業)

記得Donki 鮮選壽司新開嗰陣，長長嘅人龍，基本上假日都唔會排到隊食，熱潮過後又遇上疫情，最近終於有機會試識到呢一間大家都話好食嘅鮮選壽司啦！雖然係星期六，但係由於去得比較早，未正式去到晚市嘅時間，都唔使點樣等位就可以入坐，去到之後用平板點餐，壽司嘅款式雖然唔算多，但係試咗各樣魚生都非常新鮮。另外特別值得一提嘅係茶碗蒸，蛋蒸得好香滑，又好味。壽司亦都選用咗味飯同一般淨係加壽司醋嘅飯有少少唔同，入座後限時90分鐘，當日我哋兩個人埋單，食咗$400,價錢方面唔算太貴！