スーパー丼 (駱克道) (已結業) 查看

经过铜锣湾骆克道好多次，经常见到呢间食日本丼饭嘅餐厅好多人，一路都想去试下。今次终于有机会去一探究竟。佢大门口都几光猛，见到有一排吧枱位。今日被安排去坐入面，地方都几阔落，坐得舒服，我当日五点几去食，所以仲未系好多人。个个饭都好吸引咁，我最后要咗一个鳗鱼丼，一个贝类嘅丼，盐烧鸡翼。野食一阵就送到嚟。盐烧鸡翼加咗d柠檬汁，味道好有趣，好好味，盐烧嘅咸加上柠檬嘅酸呢个系贝类嘅丼，有帆立贝，北寄贝，赤贝，仲有d配料牛蒡，姜，腌黄嘅萝卜，仲有两粒蒜。D贝都好新鲜，帆立贝直情好似入口溶化一样，赤贝亦鲜味十足，配料方面值得一提𠮶两粒蒜，无咗蒜辛辣嘅味道，但腌得好好味。最后仲有个鳗鱼饭，鳗鱼大大块，下面有d蛋丝，送到上嚟见佢平平无其，点知呢个鳗鱼原来异常咁好食，鱼肉好厚身，口感绵滑又香口，系个饭稍为干咗少少唔够多烧汁。佢仲有啤酒可以叫，但我好少饮酒。佢个冷气亦好体贴咁挡住个吹风位唔会吹到d人客好冻。