Mini Friday (銅鑼灣廣場二期) (已結業)

DIY Pasta （單點$216），溫泉蛋忌廉龍蝦菠菜扁意粉，溫泉蛋蛋香味濃，扁意粉，表面鋪滿忌廉汁、芝士、香草，菠菜份量多，龍蝦肉質彈牙，味道鮮甜。DIY Pasta （單點$168），辣味茄汁雞柳墨汁麵，辣味茄汁味道香辣帶酸，辣度6分，帶有少少麻度，食落好惹味，每條麵條都掛汁；雞柳肉質肥瘦適中，雞味濃郁；內有大量冬菇、彩椒、車厘茄、茄蓉；墨汁麵墨汁味道淡香，口感煙韌。2份田園沙律（跟餐$0），包括有沙律菜、車厘茄、粟米、爆珠，配以醋汁食用，食落好開胃。2份是日餐湯（跟餐$0），甘筍湯，好足料，啖啖湯都有甘筍粒，味道清甜。薄脆 （跟餐$0），口感香脆，配以千島醬食用，味道更佳。心太軟配雪糕（單點$68），表面鋪有糖霜，心太軟口感外脆內軟，流心效果突出，甜度適中，附有曲奇忌廉雪糕、朱古力醬、草莓醬、藍莓、草莓。凍檸檬茶（跟餐$0），茶味濃厚，味道酸甜。熱即磨咖啡（跟餐$0），咖啡味道濃香、不苦澀。