福岡漢堡扒 (厚福街) (已結業)

每次行過厚福街都會見到呢到大排長龍，有次望下呢到究竟係食咩，見到係自己手動燒漢堡扒，覺得好似幾得意咁就排隊試下。因為當日係星期五，雖然已經早左去，但都要排6-7張枱先到我地。

每個位都會有獨立既小型抽風機吸走啲油煙，食完都唔會太大陣味。不過坐位同坐位之間就有少少迫，坐得無咁舒服。

- - - - - -
<雞蛋和牛漢堡扒>

漢堡扒搓成一個波波咁好得意。食既時候只要用剷剷適當既份量，放上石燒到煎到自己鐘意食既生熟程度就可以。個肉好juicy，都幾好食。而且仲會配埋飯、湯同埋沙律，份量都幾多。