道頓堀御好燒專門店 (K11購物藝術館) (已結業)

早就聽聞K11這間道頓堀御好燒專門店，亦知它人氣盛多人排隊，昨日下午特別在兩點九呢個九唔搭八時段去幫襯，亦等了廿多分鐘才入到場。呢間店最大賣點是DIY御好燒。當然，你整唔掂的話，亦可叫店員代勞。而我肯定會選擇DIY啦。我作為Okonomiyaki（御好燒）的愛好者，大概都了解它分為大阪燒及廣島燒兩大流，大阪燒大概是把料伴均勻後拿去整，廣島燒則是逐層去弄並會加上炒麵。此外，東京月島則流行有點似糊仔的文字燒。呢間店既然有大阪道頓堀個名，先來個道頓堀雜錦御好燒（也就是大阪燒）。料有豬肉、蝦、墨魚及蛋等，幾豐富。枱上有紙牌教你如何去整，亦可跟QR code連結網上教學，加上一個計時器。我和朋友共二人合作下沒太大難度。尤其是大阪燒，製法簡單，伴勻後去煎便是，跟紙版提議的時間按時反轉，加燒汁，沙律醬及海苔粉便成了，製成品也香香的，還不錯。叫多個我最愛的廣島燒，料有豬肉、大量椰菜、豆芽及兩隻蛋等。製法比較複雜。先用粉漿弄個底部，加紅薑、椰菜及豬肉，同時加點剩下來的粉漿。另一方面，在鐵板上炒麵，再放在個餅上面。跟著是煎蛋，煎蛋時要將蛋黃弄均勻。然後再將成個有炒麵的餅快速反轉放到蛋面上，跟著再反轉加醬汁