為食龍 (已結業)

腐皮壽司🍣呢間餐廳最出名嘅菜式，我叫左蟹膏甜蝦同柚子胡椒油甘魚蓉試。蟹膏甜蝦，鮮味十足，蟹膏唔會cover晒甜蝦味。柚子胡椒，口味清新，配油甘魚，可以令油甘魚嘅油膩感減低，從而突出魚鮮味。奶蓋白玉烏龍🧉🫖🍡喺Menu度見到佢個樣就叫左，擺設得好靚，奶蓋味香但唔會好rich，配白玉烏龍，飲落唔會滯，反而覺得清。辣吞拿魚蓉飯通常吞拿魚蓉都係陪葱，冇辣味，但係呢個丼有辣味，食落更加開胃。炙燒左口魚蟹膏飯😋左口魚油脂味十足，炙燒完之後，將油脂迫晒出嚟。